政情：議員諷刺遲到 羅致光話下次盡早

話說民政事務委員會喺完成討論油麻地戲院第二期工程後，未有立即開始關愛基金嘅議程，委員會副主席主持會議時解釋，羅致光仲未到場，雖然時間緊迫，之後仲要開立法會大會，但希望局方能夠先作解說，同埋畀議員問多啲問題，因此暫停會議5分鐘。

隔咗3分鐘左右，羅致光終於入場，簡單報告關愛基金現況後輪到議員提問，議員馬逢國話希望官員多注意議會進度，唔好再浪費議會時間。點知羅先話唔好意思，跟住仲好寸嘴咁話「雖然我早到咗10分鐘，但都趕唔到委員會嘅開會時間」，仲話第日再早多啲到。