政情：新議員唔依規矩想問兩題 主席溫提

喺議員向政府質詢點樣將會計師專業融入內地發展期間，林智遠追問財經事務及庫務局許正宇，話本港要擴大人才交流同培訓，關注幾時可以通關，仲話呢個係第一個問題，當佢正準備講第二個問題時，梁就出聲閘住，話「議員同事，我提醒其實跟進問題只可以提出一個問題，請你坐低」，林聽後，連忙應聲話「哦，係，多謝。」

但點知，跟住提問嘅黃元山又重蹈覆轍，佢跟進有幾多會計師獲內地專業資格， 「跟住第二呢就想問下……」，呢個時候梁再次出聲，強調每次只可以跟進一個問題，隨即交局長回應。其實每次會議都幾乎有新議員唔熟程序嘅情況出現，一眾新議員真係要多加留意啦！