政情：3針通行證 鄧家彪緊急質詢遭拒

立法會秘書處回覆鄧家彪，話梁君彥認為政府喺今年3月20日宣布調整第3階段嘅疫苗接種要求，並透過各種渠道呼籲同協助市民接種疫苗，而鄧嘅質詢主要問及政府對有關情況嘅評估同會採取嘅行動，經過考慮所有相關因素後，梁認為鄧提問嘅事項唔符合議事規則第24（4）條中「性質急切」嘅條件，叫鄧可考慮喺日後嘅大會上提出質詢，或於本月13日舉行嘅衞生事務委員會會議上作跟進。

鄧提出緊急質詢嘅理據，主要係話睇到未接種第3針疫苗嘅市民眾多，若喺月底拒絕佢哋入食肆、超市同商場等處所，將會對生活同經濟復甦構成重大影響，質詢當局有冇作出相關評估，同埋會唔會因應情況延後實施日期。