政情：還押吳敏兒 3個月冇朋友探監

社福界前議員邵家臻尋日喺社交平台貼文，話因為早前疫情嚴重關係，導致探監需要暫停，依家回復正常，可探還押人士後，尋日不同院所都出現探監人潮。邵話尋日去過羅湖懲教所探過Carol，仲引述Carol話過去3個月只係見過親友，冇見過朋友，所以一見面，Carol就問起其他監房還押嘅朋友近況點？邊個人嘅身體有冇問題？

Carol仲話喺疫情最猖獗時，佢嘅物資差不多用盡，好在依家已回復正常，又話自己已經打咗兩針，叫大家唔使擔心佢。佢因為喺前年參與民主派「35+」初選，涉嫌違反《港區國安法》，被控串謀顛覆國家政權罪，已經被還押超過一年。