政情：回想活動軌迹 溫和達：唔知邊度染疫

講緊邊個？咪係北區區議員溫和達囉！佢喺社交平台貼文話自認防疫措施已經做得好好，可以堅持到確診清零，直至疫情結束。佢話呢幾日每日都有做快速測試，但前日測試結果係染疫，形容自己嘅身體情況感覺良好，亦已經去咗竹篙灣隔離嘞！佢嘅區議員辦事處亦會徹底消毒。

佢仲話回想起近日活動軌迹，都唔知喺邊度被感染，又話疫情唔知幾時結束，叫大家千祈唔好鬆懈，亦唔好掉以輕心，必須堅持防疫。