昔日東方政情：?雞大仔娶老婆李永達蒲頭祝賀
為人父母者，最高興嘅時刻莫過於子女成家立室。葵青區議會前主席、人稱「?雞」嘅民主黨（白鴿黨）元老單仲偕，舊年離港之後沉寂咗一段時間，尋日就透過社交平台宣布喜事，雖然佢只係上載一張婚禮嘅合照，以及僅得一句「Amelie & Clement wedding」嘅描述，然而大家都知道佢做咗新翁，紛紛留言祝賀，就連「潛水」好耐嘅黨友李永達，都「上水」同佢講聲恭喜。
今次婚禮嘅主角，新郎哥單子曦係?雞嘅長子。單子曦喺香港完成初中教育之後，就去咗美國讀書，後來獲美國喬治華盛頓大學取錄，並於2013年完成學業，當時?雞同佢太太都專程飛去美國出席長子嘅畢業禮。估唔到事隔9年，長子結束同女友Amelie嘅愛情長跑，拉埋天窗共組家庭，一身盛裝嘅?雞同佢太太，當然係開心到見牙唔見眼，四萬咁嘅口啦！
婚禮疑似美國舉行
娶新抱咁重要嘅人生大事，當然有好多人留言祝賀，如語文教育及研究常務委員會主席黃嘉純、議員狄志遠、勞工及福利局前政助莫宜端等。白鴿黨方面，前主席劉慧卿、黨友楊浩然、張賢登、黎熙琳同埋舊年走咗去英國嘅李永達。雖然李永達喺西方社會生活咗一段時間，但佢都不忘中國人喜慶嘅顏色，留言「恭喜」兩個中文字就採用紅色。
到底婚禮喺邊度舉行，?雞未有交代。但睇番舊年?雞以「家人團聚」嘅理由遠赴美國，加上佢兩個仔分別住喺美國東、西岸，因此?雞好大機會，喺美國飲新抱茶。
?雞因參與前年10‧1遊行而被控非法集結，舊年佢認罪遭判囚14個月，緩刑兩年。因判囚超過3個月，?雞喪失區議員及區議會主席資格，其後更辭去白鴿黨嘅所有黨務，離開香港之後更如閒雲野鶴，舊年年尾佢就上載去加州滑雪嘅相，而兩個月前到英國德比郡觀光遊覽。
至於李永達就因為2014年嘅佔中案，2019年被裁定「煽惑他人犯公眾妨擾罪」罪成，遭判監8個月，緩刑兩年。?雞同李永達呢對難兄難弟舊年先後離港，分別到美、英居住。究竟?雞早前有無藉住去英國旅遊嘅機會，同身在英國嘅李永達敍舊呢？咁就不得而知嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
