政情：方艙醫院轉做過渡性房屋 招國偉：煮食問題要解決

到底係乜嘢設施呢？答案就係廚房。招國偉話方艙醫院嘅原本設計係隔離之用，根本冇諗過會有人喺房內煮食。鑑於啟德方艙主要提供一、二人單位，招國偉建議將部分毗連嘅單位，拼合成供多位成員入住嘅房間，以騰出其中一個單位嘅廁所改裝為廚房；又或者簡單啲，用電磁爐煮食，之不過，由於每個單位都有煙霧感應器，要炒番幾味夠鑊氣嘅餸菜，可能要到室外嘞。

招國偉又指，鄰近公共交通線路、具有升降機嘅啟德方艙醫院，無疑係最具潛力轉做過渡性房屋嘅項目，但要做到適宜居住，除咗要解決煮食問題，康樂設施同零售商店亦必不可少。畢竟住屋問題，並唔係四幅牆咁簡單。