政情：做一日農夫 梁熙：原來咁辛苦

梁熙話早前有義工朋友喺上水租咗塊田種菜，所以趁前日係勞動節就同一班義工去體驗務農生活，幫手播種，搞掂之後，佢就過去隔籬有機農田，自己落手割菜，見佢做起上嚟有板有眼，攞住把刀去收割生菜同油麥菜，最後割咗成6斤菜，盛惠120元。咁多點食得晒呀？佢話留啲畀自己食，其餘就送畀朋友喎。

以前有冇做過類似嘅嘢？佢話多年前只係玩過摘士多啤梨，冇諗過原來落田係咁辛苦，話嗰日陽光普照，搞到大家大汗疊細汗，體會到農夫耕種嘅辛苦，佢仲叫大家要珍惜來之不易嘅食物呀！