昔日東方政情：陳克勤母親節唔派花 派檢測棒
嚟緊星期日就係母親節，過往好多政黨喺呢個節日前，都會密密落區擺街站派發一支支嘅鮮花畀街坊，但係議員陳克勤今年唔派花，而係派另類禮物。
疫情持續，又面對母親節將至，克勤昨日喺社交平台貼文，話今年一改以往嘅做法，喺街站唔派一支支嘅康乃馨，而係派一支支嘅檢測棒，仲有一啲抗疫物資，當中有口罩同消毒噴霧等。
究竟街坊鍾意收花定收檢測棒呢？收花就浪漫啲，檢測棒就實用啲，真係街坊自己先知嘞！
做埋義工 自嘲手腳慢
不過，克勤就話由於排隊領取街坊眾多，自己都要變身成為義工，去到唔同位置幫手添！佢仲自嘲手腳慢，唔夠訓練有素嘅義工咁快喇喎。佢仲呼籲市民，由於疫情仍未散去，健康比一切重要，母親節期間減少外出，大家盡量留家慶祝。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
