昔日東方政情：消費券原封不動 鄧家彪留畀囡囡用
早前政府向18歲以上市民派發一萬港元電子消費券，分兩期發放，4月初先發放5,000港元，到依家已經成個月，照計已用得七七八八啦！但係議員鄧家彪（阿彪），竟然話自己唔夠膽用。
撞啱女兒生日
原來係佢講笑啫！實情係將啲錢留番畀個囡囡買嘢，同埋用嚟一家人去食飯。阿彪話咁啱依家又放寬疫情，可以出去食飯，咪用囉！問到佢有冇諗吓想買啲乜嘢畀自己呀？佢話自己好忙，都冇時間諗過自己要買啲乜喎。
佢話阿女喺今個月生日，咁啱又派咗電子消費券，一家人出去食飯之外，就將話事權留畀個女，由囡囡安排要買啲乜，當做生日禮物。阿彪話囡囡都好生性，佢都係買一啲學習用品、課外書同網上遊戲，佢仲話個個父母都係咁，最緊要係囡囡開心，自己冇乜所謂啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
