昔日東方政情：周浩鼎訪劏房 倡方艙變過渡屋
劏房住戶棲身斗室，一人中招、全家染疫嘅風險極高，疫情下更往往面對物資短缺嘅困境。議員周浩鼎尋日到劏房戶探訪，佢話要改善擠迫嘅居住環境，長遠而言當然係增加公營房屋，但短中期就不妨考慮，疫情消退後嘅方艙醫院。
叫改善擠迫居住環境
周浩鼎尋日探訪嘅其中一個劏房戶，居住空間只有100平方尺，令住戶喺第5波疫情爆發期間避無可避，相互傳染。住戶嘅小朋友都要瑟縮喺角落讀書，雖然依家分階段復課，但學校要求每日進行快速檢測，購買所需物資對收入低微嘅劏房戶造成高昂負擔，難以應付每日需求。
雖然送上一批快速檢測包，但周浩鼎話呢批物資只能短時間內稍微幫到住戶，長遠而言政府必須解決劏房問題，而加快公屋落成無疑係最理想嘅做法。之不過，要盡快令到劏房戶脫離逼狹嘅居住空間，宜疫情消退之後將方艙醫院改建成過渡性房屋，同埋要明確訂立減少劏房嘅時間表呀！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
