政情：岑敖暉投降 冇區議員係小事

自稱係「投降派」嘅佢又話，一眾街坊投放喺社區嘅力量，要比一個區議員仔大得多。

因前年喺網上發表煽動暴力文章，被控藐視法庭罪成，現於監獄服刑嘅岑敖暉話，經營一個社區，絕非一朝一夕可達成嘅事，畢竟佢身肩區議員職務只得一年多，同各位街坊同行嘅日子短暫，實在談不上貢獻，況且當初佢係「投降派」，曾認為區內單車徑圍欄「應該無得搞啦」，然而有賴一班超級有心有才嘅街坊，非常努力咁一齊睇文件、睇法例、睇圖則、研究並提出其他可行方案，然後至有後來海景得以保留嘅成果。

跟住岑就認為，即使冇咗區議員，亦並非大不了嘅事。佢指出一個社區嘅心臟同大腦，一定係落手落腳做事嘅街坊。佢又形容3個有心有力嘅街坊，足以勝過一個「區議員」咁話。