政情：同杜凱琹猜波 林琳早一年邀約

其實，林琳當初係邀請杜凱琹光臨自己嘅寒舍。之不過，既然對方係世界級乒乓球好手，林琳當然唔會放過呢個機會，同杜凱琹到乒乓波枱比試球技。雖則話「猜吓波」，但原來林琳打乒乓波都叫做有板有眼，因為佢讀中小學嘅時代，曾經係乒乓球校隊嘅成員，只係後來要到外國升學，無奈放低乒乓球拍以專注學業。重拾球拍嘅林琳當然係居下風，但玩到咁上下，都親自整咗個涼拌冷麵畀杜凱琹品嘗。

林琳又話，運動員在役生涯好短，所以一直都覺得做全職運動員需要極大勇氣，好佩服佢哋嘅堅持。佢又指政府近年雖投放大量資源及金錢喺體育運動方面，但亦要協助佢哋退役後點樣轉型，以維持生計咁話。