昔日東方政情：懦夫周竪峰讀碩士 網民預佢呻辛苦
自認懦夫嘅香港中文大學生會前會長周竪峰，喺舊年3月底流亡加拿大至今逾一年，近日喺社交平台貼文，話會喺嚟緊嘅9月讀碩士。至於讀邊科？佢話讀歷史喎。
雖然離開咗香港，但周竪峰喺社交平台不時會評論香港嘅政局，而經過13個月流亡加拿大嘅生活後，終於有新動向喇，就係讀碩士。
涉中大校園播「獨」 流亡加拿大
唔少佢嘅同路人都留言打氣，有網友更話「即係嚟緊幾年都要睇你啲呻讀碩士辛苦嘅貼文了」，而佢都即刻回應「唔好幾年呀，最多兩年好啦……」，可能佢都擔心兩年內攞唔到個碩士頭銜喎！
周竪峰本來喺中大讀中文系，後來轉讀政政系，但因涉及喺中大校園播「獨」同辱華而被校方警誡。其後佢曾擔任由民主派區議員籌組公民議政平台嘅籌委會秘書長，而呢個平台曾被當局質疑唔合法，最後更宣布解散籌委會，平台胎死腹中。
舊年佢喺社交平台自爆喺3月25日已離港前往加拿大，更因選擇離港而自認懦夫。當時佢接受傳媒訪問時表明，曾參與2019年7月1日立法會衝擊事件，令佢感到有被捕風險。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
