政情：政府宣傳手法難明 陳健波籲簡而精

陳健波喺社交平台上載影片，以防疫措施為例，話市民只係想知道要點做、有乜嘢限制，而並非要知悉所有法例，建議政府用多啲圖例解釋，不過就要注重改善宣傳技巧。佢舉例話，最近新冠康復者接種疫苗建議圖被市民話好似買3T咁，好難睇得明喇。

另外，佢又批評官員喺立法會答非所問，市民看在眼裏，就算政策點好都唔會有好印象，強調政府傳達訊息要從市民角度出發，用字要精簡易明，唔應該好似讀新聞稿咁。唔單止咁，佢話早前有傳封城，但政府大半日後先澄清，直言情況非常不理想呀！