政情：政務司長出缺 特首辦主任「頂更」見內會

立法會內務委員會尋日召開視像會議。期間內會主席表示，由於政務司司長出缺，佢同副主席於上周三同特首辦主任及行政署署長進行會面。並引述特首辦主任指，當局將會於5月起陸續提交更多立法建議畀立法會審議，當中包括行政長官喺施政報告宣布嘅立法建議。不過，議員狄志遠就指政務司司長嘅角色係統籌各部門，調動各方面嘅政府資源，與立法會合作，認為特首辦主任同政務司司長嘅功能有所不同，希望主席向行政長官表達意見，確保人事安排唔會影響到立法會嘅工作。

內會主席回應話，特首辦主任喺政務司司長在任期間，亦有協助與立法會溝通，促進行政立法關係。況且政務司司長原來所肩負嘅其他職責，亦有其他嘅問責官員分擔，相信現時嘅安排唔會對行政立法有實質影響。