昔日東方政情：「告別」私飯 在囚快必首餐食雞肉菜心
前年9月被捕，被指涉及多項發表煽動文字罪嘅人民力量副主席譚得志（快必），前日（20日）被判刑後以定罪人士身份服刑，不但結束其逾一年嘅還押身份，連食「私飯」嘅權利亦不再。而佢前晚喺鐵窗下所享用嘅晚餐，係雞肉同菜心。
牽涉初選案 恐有排坐
快必嘅社交專頁尋日上載佢過去所拍攝、身穿囚衣嘅舊照片，貼文話快必「泊正」後嘅第一個口訊，就係佢尋晚食咗雞肉同菜心！貼文又標籤住11月22日呢個日期，似乎係預計扣除之前嘅還押日子，應該可以喺當日服刑完畢。
之不過，嗰日佢未必出到監，似乎亦打定輸數，事關貼文中亦寫話佢另牽涉民主派35+初選案，恐怕服完刑又要轉返還押，亦即係要繼續坐。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
