政情：禁令放寬「出山」 梁栢賢即擦魔鬼餐

睇返今年年初，主張「緩疫」策略嘅梁栢賢不時就當局嘅抗疫手法發出評論，又同堅持「圍堵」政策嘅呼吸系統專科醫生梁子超隔空駁火。而喺上個月中旬，梁栢賢指疫情已到頂，呼籲政府應未雨綢繆，及早研究「退場」標準，逐步有序放寬社交距離。上周一（11日），梁栢賢話隨着政府抗疫措施漸入正軌，疫情明顯受控。佢嘅評論工作亦暫告一段落，冀盡快回復正常嘅退休生活，無束縛地享受陽光下嘅午餐。

至於梁栢賢尋日所享用嘅下午茶餐，係出咗名高糖同高脂嘅紅豆冰同迷你西多士，難怪佢以「魔鬼」嚟形容枱上嘅美食，之不過都係一餐半餐啫，無所謂啦。