昔日東方政情：歲月催人發福吳政亨年少無脂
即使過去係瀟灑少年，男士亦往往隨住年齡增長而發福，真係「千金難買老來瘦」啊！網名「李伯盧」、有「政治素人」之稱吳政亨，因涉前年民主派35+初選案，去年年初被捕並還押至今，但其社交專頁日前就更新內容，上載一張以「年少無脂」嚟形容吳年輕時代嘅舊照，話要畀網民多啲了解吳之餘，仲要起「警世」作用添！
點解話要「警世」呢？幫吳管理社交專頁嘅人員話，佢幾年前認識吳嘅時候，吳就係大家印象中身形健碩、面留鬍鬚嘅外表，無法想像吳年輕之時青靚白淨，猶如韓星嘅相貌。
編輯笑稱脂肪掩蓋光芒
貼文又話睇見吳嘅舊照，只能暗嘆脂肪掩蓋一個人嘅光芒之外，亦令人驚覺歲月無情，所要好好保養身子，必須飲食均衡搭配適量運動，唔可以畀自己跳入呢個「歲月油池」咁話。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
