政情：返母校送物資 張國鈞爆童年照

話說張國鈞送咗一批防疫物品返小學母校，為小師弟同小師妹打氣。跟住就摷番舊時學校旅行嘅相，當年係去粉嶺鶴藪。佢話當時就讀六年班，拎住同學分享嘅遊戲機，玩得好入神，結果畀人影咗相都唔知！而呢張相竟然係佢「一千零一張」嘅小學相，都可謂彌足珍貴啦！

佢又提到，過去兩年嘅疫情嚴重影響學生嘅學習同校園生活。佢話曾經因細女參加學校舞蹈隊而購買一套舞衣，惟相關活動因疫情而暫停，佢相信去到依家，當日嘅舞衣已經唔啱着；至於學校周年運動會，就一次都未試過。