昔日東方政情：何栢良長假去海灘似包場
抗疫多時，適逢復活節一連4日長假期，唔少港人都趁機會外出遊玩，呢幾日周圍都人山人海啊！不過，香港大學感染及傳染病中心總監何栢良竟然搵到一個「無人之境」喎，只見佢拍攝出嚟嘅海景一個人都冇，非常寧靜，究竟佢去咗邊個「隱世」地方呢？
人影都冇 享受寧靜
話說何栢良尋日喺Facebook分享咗兩張相，一張係無人嘅海灘，另一張就係無人嘅餐廳，形容直情係包場添啊！佢話尋日朝早一早就同屋企人揸車去淺水灣，當佢去到海灘時，人影都冇個，因為疫情政府已經關閉海灘，淺水灣都被木板圍封，所以咪一個人都冇囉！不過，佢同屋企人就可以享受吓寧靜啦，佢哋坐咗喺長櫈，望住個無人嘅海景，望到攰就閉目養神一下。
望完海，佢哋去咗銅鑼灣一間餐廳醫肚，點知間餐廳都冇人喎，佢話去到餐廳時已經4點幾，過晒食飯時間，見佢係熟客先煮埋畀佢，所以變相包場食飯喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
