政情：B仔病情好轉 顏汶羽等去公園

顏汶羽尋日喺社交平台貼文同上載咗一張相，相中見到B仔坐喺鞦韆櫈度，顏就咬住BB隻手指玩，貼文話囝囝不停要去醫院檢查同抽血，究竟乜嘢事呢？佢話B仔喺上年12月開始就成日發燒，仲住咗成個月醫院，查極都唔知發生乜嘢事，後尾抽血檢查發現，原來佢患上川崎症，而呢個病會令患者血管發炎同持續發高燒，依家情況穩定，但係都要成日定時到醫院檢查。

雖然要做好多檢查同抽血，但佢話囝囝好勇敢面對，但喺呢段時間自己工作好忙，同太太屋企醫院要兩邊走，再加上疫情，即使囝囝病情好咗，都冇出過去玩，佢希望疫情快啲過去，可以同囝囝再到公園玩爬草地，同埋去主題公園睇動物。