昔日東方政情：鄭承隆檸檬汁 加料 枯禿楓樹紅葉再生
要喺香港觀賞紅葉，唔一定要去元朗大棠，原來私人地方都有得睇㗎。監警會觀察員鄭承隆，佢嘅辦公室就有紅葉睇嘞。之不過，佢呢棵長出紅葉嘅楓樹，曾一度陷入枯禿嘅狀態，仲有人斷言「無得救」！但有賴長期嘅堅持同埋檸檬汁「加料」，原來只剩禿枝嘅楓樹近日竟然「復活」，紅葉再生！
鄭承隆同好多人一樣，都會喺辦公室擺放一啲植物，至於佢呢棵從外地訂購嘅楓樹就比較特別，長出嘅樹葉起初係紅色，然後隨住時日變黃、最後轉綠。佢話楓樹初抵之時不但葉片茂密，且紅綠夾雜，煞是好看，可惜不足一個月，所有樹葉都枯萎脫落。
足足等咗30個月
儘管有人話棵楓樹有病，唔會再長葉，但鄭承隆眼見禿枝仍然翠綠，相信棵樹仍有生機。後來有朋友同佢講，泥土嘅酸鹼度亦會對植物有影響，於是佢半年前開始嘗試「加料」，每周兩個檸檬榨汁澆灌，結果近日呈枯禿狀態多時嘅楓樹竟再長紅葉！數數手指，足足等咗30個月啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
