昔日東方政情：民協選主席揀無可揀 廖成利焗出山
因疫情緣故，民協兩度押後會員大會改選領導層。至尋日終舉行會議選出新執委會，新主席為黨內元老、黃大仙區議員廖成利，副主席為深水埗區議員李庭豐。廖曾喺2007年至16年出任民協主席，現時出山重掌主席之位。至於秘書長則是黃虹銘，司庫為甄紹南。委員包括許錦成、覃德誠、李炯、楊彧、譚國僑、利瀚庭及江貴生。
一副主席位仍懸空
至於兩個副主席位置，當中有一個懸空，廖成利坦言「未齊腳」，而下次執委會將會討論加強地區支部運作、增加會員數目、與民主黨派政黨交流及對新特首提出意見等。李庭豐指佢哋雖扎根深水埗，但6個區議員黨友所接嘅個案並不限於其選區，形容可能遠至大西北，難免會感到壓力，惟有做得幾多得幾多。
民協原來嘅正副主席，分別係施德來及何啟明，惟兩人因涉民主派初選案而被捕，導致去年3月辭去黨內職務，由時任深水埗區議會主席楊彧、及時任深水埗區議員利瀚庭，分別署理正副主席。楊其後因支持前黨友競逐立法會議席，惹來批評，其後辭去署理主席，現時兩人留任執委。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
