昔日東方政情：梁美芬再開金口 憑歌打氣解疫憂
疫情至今已逾兩年，唔少市民出現抗疫疲勞，臉上亦失去舊日光彩。一向創意無限嘅議員梁美芬，日前又有「新搞作」，同一眾熱心人士，譜寫錄製《抗疫英雄》一曲，向所有參與抗疫嘅人員致謝，鼓勵市民唔好氣餒，須存有希望，因為雨後總會見晴天喎！
凝聚每顆心 愛能戰勝病毒
喺長約4分鐘嘅影片開頭，梁先講開場白，指呢幾年香港人抗疫好攰，點樣令大家重拾笑容，令社會走出悲傷呢？而呢啲說話亦都係好多市民嘅心聲。所以梁就透過歌曲，憑歌寄意，希望凝聚民心，因為佢相信音樂能令人產生共鳴，協助解開社會心鎖。
歌詞包括抗疫英雄，能凝聚每顆心、愛能戰勝病毒，亦有形容疫情像雨水，令你我沒法躲避。梁就話以希望轉化傷悲，雨後會見晴天，疫情已經開始緩和，只要香港市民繼續堅持忍耐，團結一致，定能擊退疫情。
其實今次並非梁美芬首次開金口唱歌，前年社會運動期間，佢就曾發布歌曲《點解要攬炒》，引領眾人身穿白衣合唱，道出反對暴力攬炒及破壞嘅訊息。其後更擔任主角拍微電影，用穿越未來嘅故事批評政府官僚，阻礙科技發展。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
