昔日東方政情：社交距離定隔離？林鄭開口嗑着脷
新冠肺炎疫情持續兩年多，期間有唔少新詞彙出現，例如禁聚令、動態清零、社交距離措施、社區隔離設施等，有陣時講得多都覺得幾混亂㗎！不過，無諗到就連制訂有關政策嘅特首林鄭月娥都會搞亂，頻頻將社區隔離設施講錯做社交距離設施啊！
話說政府尋日舉行抗疫記者會，林鄭同運輸及房屋局局長陳帆一齊交代交還公屋嘅細節。當提及香港喺公屋之外，仲有邊幾類社區隔離設施時，林鄭就講錯做「社交距離設施」，令人一頭霧水，莫非要喺特定設施入面再限制社交距離？
記招上頻頻講錯 至少5次
林鄭講錯後都有作出糾正，講番做社區隔離設施。但唔知係咪呢兩個詞彙出現嘅次數太多，之後去到問答環節，佢又再講錯，仲好似渾然不覺咁繼續講錯落去，次數至少5次啊！睇嚟下次再開記招，林鄭要做多啲功課，或者要做吓啲乜嘢令頭腦清醒啲喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
