政情：鄭泳舜確診 開網會聲沙

Vincent尋日出席特別財會，問到關於2025年全運會，港府要同內地緊密合作，又期望全運會中有關劍擊、單車及球類賽事等可以喺香港舉行。雖然Vincent留喺屋企隔離中，但佢都有戴上口罩，可能唔想傳染到屋企人啩。另外，Vincent問問題都算精神，但係聲線就明顯沙啞咗，聽得出佢條喉嚨有少少痰。

前日佢喺社交平台貼文，話現時身體狀況尚可，已服食中成藥治療並居家工作，「中招」後亦已即時通報衞生署。佢亦係繼黃俊碩、麥美娟、梁文廣及劉智鵬後，第5名染疫嘅議員。