政情：取消430記招？ 張竹君笑答研究吓

喺尋日嘅2019冠狀病毒病個案最新情況簡報會（430記者會）中，有記者喺會上提問，如果確診人數跌落至3位數字的話，會唔會好似早上11點抗疫記者會取消？

主持記者會嘅衞生署衞生防護中心傳染病處主任張竹君醫生就話，「至於係咪日日要做430，我收到你嘅提議，我哋會研究吓」，佢講完之後，雖然戴住口罩，但係都睇得出佢喺度笑緊。

其實張竹君早喺2020年1月26號開始，日日下晝打開電視都見到佢，而430疫情簡報會已經開咗兩年多，期間亦曾經有一段時間，佢冇出席簡報會，當時外界都擔心佢係咪健康出現問題，不過，佢好快又出現番，主持簡報會嘞！