政情：議辦職員染疫 葛珮帆留家工作

EQ喺社交平台貼文，話尋日收到辦事處職員確診嘅通知，而該名職員最後喺4月11日返回立法會綜合大樓6樓議員樓層，當時曾與3名同事接觸，而EQ喺4月10日曾經同嗰位受感染嘅職員接觸，於是都做咗快測，結果係冇感染病毒。

有見及此，佢同辦事處嗰3個同事喺未來幾日都會留家工作，同時會密切留意身體狀況。佢仲話疫情仍然嚴峻，呼籲大家謹守防疫措施，齊心抗疫。

立法會秘書處已收到相關嘅通知，話EQ嗰名確診職員亦到訪過停車場。根據秘書處紀錄，當日約有150名議員同職員乘搭電梯進出綜合大樓6至8樓。為審慎起見，秘書處建議當日曾進出有關樓層的人士盡快進行快速測試。直至尋日，立法會累計282宗確診個案。