政情：楊森出獄 滿頭白髮倍滄桑

其後羅健熙亦幫佢拎住喺監獄入面嘅個人物品。跟住楊森亦拎咗準備好嘅筆記簿向傳媒發言，警方亦派員在外監察。楊森形容香港社會將走向「單元化」嘅發展，政府施政只重視經濟發展同社會穩定，希望香港人堅持民主自由及法治價值同信念。佢又勉勵港人緊守崗位，講真說話同堅守核心價值。

楊森係匯點創會會員，1990年加入港同盟，並繼續留喺兩者合併後嘅民主黨。他喺1991年首次當選立法局議員，1998年再次當選立法會議員，至2008年就退下。至於同案嘅另外9名泛民被告，包括陳皓桓、李卓人、梁國雄、民主黨前主席何俊仁同何秀蘭等，各被判囚14至18個月不等。