昔日東方政情：烈日下做義工 馬軼超曬出口罩印
仲記得疫情爆發初期，曾經出現過化口罩印妝，即係喺臉上好似有個口罩印咁，呢啲都係玩吓啫，或者當係潮流咁，卸咗妝塊臉就回復乾乾淨淨。但實際上，有啲人係洗極都洗唔甩個印！
雙眼對上至額頭都紅晒
講緊邊個？話說觀塘前區議員馬軼超尋日喺社交平台上載咗張相，特別之處就係佢都有個口罩印，唔通佢又貪玩，跟潮流玩化口罩印妝？
非也，佢唔係追上潮流，亦唔係化妝嚟，而係做咗一日義工就變成咁。見佢雙眼對上至額頭都曬到紅晒，而口罩印就淺色啲，成個口罩印出晒嚟。
老實講，呢幾日天氣轉熱，唔少市民戴口罩出街都覺得有啲焗，喺咁猛烈嘅陽光下周圍走，睇嚟唔少人都會曬出個口罩印。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
