政情：還押染疫 譚凱邦：似普通感冒

懲教署為減低播疫風險，早前暫停探訪安排。不過終於喺上個月24日恢復有限度探訪，還押在囚人士期間只可接受兩次親友探訪。所以譚太都心掛掛，喺貼文中指深深地體會恍如隔世嘅意思，因為佢從來都冇諗過，曾經係咁親密嘅一個身邊人，竟然有成個月冇同佢講過嘢，冇聽過佢把聲，冇見過佢個樣。不過譚太指老公比想像中硬淨，但最大問題係悶。但幸好染疫後已康復，隔離日子亦已完結。

其實譚氏夫婦一直都相濡以沫，譚太曾講過因為當年佢個腎有脂肪瘤，斷斷續續住咗兩個月醫院，因此譚凱邦喺2016年為咗照顧佢，而宣布放棄參選立法會選舉。譚凱邦喺2020年參與民主派「35+」初選，涉嫌違反《港區國安法》，被控「串謀顛覆國家政權罪」，現正還押候審。