笑看天下：全民快測 算做了好事

收到政府嘅「防疫服務包」，老朽第一時間反應係：早啲有就好啦！點解咁講呢？皆因第5波疫情最高峰嗰幾日，老朽家人一老一嫩中招，居家自我隔離，快速抗原測試包不難買到，皆因茶樓不賣叉燒包賣快速測試包，街市亦有唔少檔口出售各款快速抗原測試包，之但係，全城退燒藥幾被掃清，某牌子嘅退燒藥更一盒難求，中成藥「連花清瘟膠囊」亦冇貨！依家則見到便利店有售，50多元一盒。