昔日東方政情：假衞署來電郭偉强識破收線
雖然近日警方偵破多宗電話騙案，但不法之徒仍未偃旗息鼓。勞工界議員郭偉强尋日喺社交專頁貼文，話接到一個自稱係衞生署嘅錄音來電，指佢嘅疫苗紀錄有問題，不過好快佢就知道當中有詐，話「得啖笑」之餘，又呼籲大家要加強警惕、慎防電騙黨。
到底郭偉强係點樣識破電騙黨嘅招數呢？佢話本地撥出嘅電話，係唔會出現「+852」嘅香港區號，所以當佢頭一眼睇見來電顯示，就頓起戒心；加上佢已經打齊3針，對方指佢嘅疫苗紀錄有問題就肯定「唔對路」，若果再依指示按數字鍵的話，豈不是墮入對方嘅設局？一於收線可也！
指政府來電容許核實身份
郭偉强又話，騙徒手法層出不窮，會假扮內地官員或本地紀律部隊，不過今次電騙黨假冒衞生署嘅手法未免有啲兒戲。佢話若果係政府部門致電市民，必定會容許接聽電話嘅一方核實致電者嘅身份，同埋唔會牽涉到錢銀囉！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
