昔日東方政情：內會派點心紙 定開委會優次
立法會有18個事務委員會審議相關事務之餘，亦會成立研究政策事宜嘅小組委員會處理專項議題。內務委員會尋日以視像形式舉行會議，內會主席指收到18個成立研究政策事宜小組委員會嘅申請，但鑑於其中兩個申請性質類似而合併。換言之總共有17個申請，秘書處將會派出「點心紙」畀議員考慮成立嘅優次。
共17申請 最多成立9個
內會主席話，收到8個申請要求喺內會下成立小組委員會，但其中兩個類似所以合併，即變成7宗申請。另外事務委員會下有10個成立小組委員會嘅申請，兩者合共17個申請。
但由於只可以同時有10個政策事宜小組委員會運作，加上希望預留名額以備不時之需，將會派發「點心紙」畀議員選擇成立嘅優次，但設限最多同時成立9個委員會。
另外，內會主席喺會議上報告同時任政務司司長嘅會面情況，話政府會配合立法會重啟口頭質詢嘅情況，提醒主要官員回應扼要到位；由於受到疫情影響，會略調立法程序，稍後通知立法會。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
