政情：離題連連 陸頌雄被中止發言

議員陸頌雄發言表示支持該條草案，指唔少中小企正蒙受沉重嘅經濟同稅務壓力，因此佢同意有關寬減稅務嘅措施，但佢又指利得稅過往嘅改動並唔公平，跟住主席梁君彥打斷佢嘅發言，指「要返嚟呢個辯論」，陸就話「多謝主席提醒」。

其實陸係認為政府若增加稅收，包括加徵1%公司利得稅，每年就可增加60億元收入，毋須長期依賴賣地。不過當陸發言至4分11秒時，再被梁君彥打斷，指佢嘅見解可以喺《財政預算案》中提出，陸隨即回應「OK、OK」，又對住梁話中有話咁講「主席可能唔係太鍾意加稅」。其後陸繼續發言，而梁於一分鐘後再次阻止其發言，指「若繼續離題，將會停止你（陸頌雄）發言，惟陸似乎唔太理解梁嘅意思，最終於6分33秒，被梁中止發言。

該條例草案旨在落實2022/23年度《財政預算案》建議嘅稅務寬減，主張一次性寬減2021/22課稅年度百分之百嘅薪俸稅、個人入息課稅及利得稅，每宗個案以一萬元為上限。政府表示該建議有助減輕納稅人嘅財政負擔，同時讓企業保留更多資金。