政情：入境處人員無懼風雨 清走方艙積水

儘管春天嘅天氣變幻無常，陰晴不定，但入境處人員依然無懼風雨緊守崗位，為市民提供24小時全天候嘅貼身服務。喺入境處最新嘅宣傳片可以見到，入境處人員喺滂沱大雨下，涉水密密清走積水。入境處亦都積極同方艙建築商中國建築商討對策，喺惡劣天氣下作出迅速應變，例如加設行人過路板、用大型抽水器同沙包快速疏導雨水。

事實上，入境處一直不遺餘力協助港府抗擊疫情，由早期封區強檢行動、個案追蹤到依家管理社區隔離設施，喺軟硬件上都全力配合。入境處管理嘅3個社區隔離設施，有超過2,300間房，可以容納大約8,000人。入境處最高峰有超過900名人員喺隔離設施輪班工作，24小時為入住嘅市民服務。