昔日東方政情：全副武裝噴防毒塗層 4議員惹圍睹
（蔡偉洲攝）
第5波爆疫持續，消毒殺滅病毒成為日常任務之一，多名議員亦鑑於中環行人天橋人流不絕，尋日亦出動服務市民，喺中環一條行人天橋樓梯噴灑防病毒塗層。由於4位議員喺鬧市都着晒全套防護衣，引來市民嘖嘖稱奇，不過佢哋都依然落力，究竟效果點樣呢？
中環鬧市天橋 分頭行事
尋日有份出席嘅議員包括飲食界張宇人、批發及零售界邵家輝、選舉委員會界別李鎮強，同埋航運交通界易志明。佢哋4個一早就着好晒全套防護衣，揹上噴灑嘅器具後就分頭行事，包括喺行人天橋樓梯嘅扶手同渠位等位置，噴灑防病毒塗層，期間喺天橋來來往往，有部分外傭見此「奇景」都駐足觀看，仲紛紛拎起手機拍照。
其實邵家輝同李鎮強過往都有噴灑防病毒塗層嘅經驗，睇嚟今次已經駕輕就熟啦！不過4位議員都噴得十分落力，雖然身上嘅器具都有番咁上下重量，但佢哋都好快噴晒，之後都要補充番噴劑嘅儲量，仲話塗層嘅有效期可持續長達一年，睇嚟可以令市民安心啲嘞！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
