屢停業 白交租 零收入 小店無奈損手蝕讓

港府日前宣布關閉多個處所後，多間美甲店長期烏燈黑火。從事美甲服務10年的張小姐約於5年前在尖沙咀開設美甲店，她稱開業初期「忙到飯都冇得食，做完一個客用幾分鐘食個包就要再做下一個」，每月生意額達約10萬元，扣除租金等成本，月入約6、7萬元，當時更聘請一名員工。

惟疫情下，她指「政府成日要舖頭停吓開吓，成日白交租，唔係講緊搵少幾多，係零收入」。她坦言根本「無可能頂得順」，故曾偷偷開舖，「但驚有人放蛇，一日最多偷做兩個熟客，賺番一千幾百元食飯」。上月她終決定放棄經營，「寧願連埋器材蝕讓，頂唔順再白交租」，「其實我都唔知前路可以點，咪繼續上門偷做囉」。

經營美甲店14年的陳小姐現時在尖沙咀及銅鑼灣皆有分店，約有10名員工。她坦言，多次停業令經營者不斷倒蝕舖租，員工亦因「無工開、無糧出」而轉行，且不少人已改用上門服務，她無奈指「停業意義何在」。她擔心日後即使重開，亦難以維持往日的營業額，「客人同員工我哋都用咗好多時間先儲到，唔係咁容易再搵得番」。

有業界人士指，美容美甲的從業員約95%是婦女，有新移民亦有單親媽媽，當行業停業，她們每月只有底薪，「根本唔夠養家，有人新年要去做走鬼檔（熟食小販），聽到都好心酸」。