昔日東方政情：陳皓桓獄中慶生 即發新貼文
早前有唔少囚犯確診，而正在服刑嘅前民陣召集人陳皓桓前日喺獄中過生日，仲話知道疫情嚴重，但強調自己冇中招，仲話依家Keep住做運動，食橙吸收維他命C喎。
話Keep住運動冇中新冠
話時話，陳皓桓嘅社交平台都有3個月冇更新過，對上一篇貼文已經係舊年12月20日，當時話佢早排喺監獄入面可能因為天氣轉凍而病咗，加上要處理私人事務，所以未有時間同精神寫信出嚟。
而尋日就有新貼文，負責佢嘅社交平台嘅管理人都話最近因為疫情少咗同陳聯絡，但尋日係陳嘅生日，自然要交代吓陳嘅近況。
新嘅貼文中唔單止講明佢冇染上新冠肺炎，仲憑歌寄意「說了再見，約定再見，就會再見」。咁佢幾時會出獄？有人追問到底佢仲有幾多單案喺身，貼文就話目前佢身負嘅案件全部已經判刑，由重判18個月監禁到罰款不等，加加埋埋目前總刑期為22個月。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
