政情：葉劉煙霾中清潔獻出第一次

葉劉提到探訪嘅家庭當中，有部分家庭成員係殘疾人士。而佢哋一行人準備好各種清潔工具及消毒裝備，即前往相關單位先行視察，然後緊閉窗戶進行霧化消毒，又使用消毒噴灑器徹底清潔。工作完成後再往鴨脷洲西邨，會合黨友陳家珮及南區區議員林玉珍等幫手派發抗疫包。事後葉劉話今次係佢人生中第一次專業清潔及消毒家居，覺得效果唔錯，話稍後都會教導家中外傭，徹底清潔及消毒家居。

議員邵家輝亦同樣獻上第一次，前日佢同幾位義工穿上全套保護衣，到石排灣邨為公屋住戶提供免費家居消毒服務。佢形容霧化消毒過程其實唔太難，300幾呎居所只需時10分鐘左右，味道唔算難聞。