昔日東方政情：遇襲陰影 何君堯參選期間特聘保安
去年12月嘅立法會換屆選舉已塵埃落定，而參選人申報嘅選舉開支亦陸續「出爐」，除咗固有嘅宣傳開支，有參選人都使咗成6萬蚊聘請保安，貫徹小心駛得萬年船嘅道理，嗰個就係由地區直選界別轉為參選選委會界別並當選嘅何君堯，之不過點解要「落咁重本呢？」
原來一切都同2019年嘅事情有關，何日前回覆傳媒就話，因為當年區議會選舉前夕被人刺傷，之後落街站宣傳都擔心人身安全，所以有保安喺身邊會令自己比較安心。
使咗6萬 佔選舉總開支近半
而何君堯亦申報自己選舉期間嘅總開支係13.2萬蚊，包括選舉日一筆約5,400蚊嘅「酒店住宿服務」開支、因橫額問題攤分支付嘅91.6蚊罰款等，咁睇嚟6萬蚊保安費用足足佔咗差唔多一半！
何君堯受傷事發喺2019年11月區議會選舉前夕，當時佢喺屯門街站拉票時，遭一名無業男子持刀施襲，造成胸口兩厘米刀傷，何君堯嘅保鏢亦受傷。而該男子最後都當場被捕，經審訊後被判囚9年。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
