政情：鄧棨然內地服刑獄中信揭關心財經

鄧棨然喺信中開首就話先前幾次寒流來襲，佢都唔覺得太冷，反而叮囑家人要注意保暖。跟住佢就話喺鐵窗之下，外界訊息雖不太流通，但佢還是關心周遭發生嘅新聞，期望每一次家人回信都可以附上一啲新聞資訊。佢話想睇到每個月嘅恒生指數、日經、納斯達克、德國DAX指數同埋法國富時嘅高低點波幅；最好就加埋國際知名嘅科技龍頭企業如台積電、Space X嘅重點新聞。雖然佢強調獄中收信件並無數量限制，但都建議用最經濟廉宜嘅平郵給寄信畀佢就得嘞！

貼文末段有另文指，鄧棨然喺3月初因哮喘不適而要睇醫生，但詳情、實際狀況仍未清楚掌握，只能夠希望佢平安無恙。