政情：保育綠海龜 何俊賢話漁民願配合

點解咁講呢？高佬賢話大家都唔想竭澤而漁。但如果同佢講因環保關係而讓個水域出嚟，但日後竟然攞去填海嘅話，實在講唔過去。佢話曾經見過一份政府文件，指漁業撈捕、海事工程同周邊地區污染，係香港海洋污染嘅3大原因，所以要訂立環保法例，其中係包括限制香港水域嘅拖網捕魚。然而當漁民改到其他水域作業，有關當局就話要填呢度填嗰度，咁搞法漁民點會唔㷫呢？

講番綠海龜產卵，佢話不但限制漁民到相關水域作業，其實市民亦不宜前往觀看，擔心人聲嘈雜會嚇走愈見稀有嘅綠海龜。但話說回來，倘若南丫島深灣將來真係綠海龜零產卵嘅話，政府就要開放相關條例，容許漁民重返上址作業。