政情：梁美芬：政治領袖須放下身段

Priscilla日前出席一個網台節目，期間佢指出香港嘅深層次矛盾亟待解決，而一個真正偉大嘅領袖係要懂得放下身段，求同存異，與民同行。而佢自己都喜歡微服出行，例如視察高鐵運作，而佢去被圍封嘅葵涌邨都唔使好多人陪。

至於被問到政黨點樣協助新一屆政府推動施政，佢就話香港要面對民生、土地、房屋、貧窮、青少年向上流困難、經濟單一化以及退休保障等諸多問題，然而社會制訂政策時，難免會出現對立嘅情況。佢呼籲現存利益者，主動退後幾步，因為大家都要妥協，顧及其他人利益。

講到住屋呢個棘手問題，佢話早前同多位跨界別人士落區探訪露宿者同劏房戶時，有劏房小朋友形容自己住喺一個黑盒，佢話大家目睹基層居民嘅艱辛都感動流淚。