昔日東方政情：王卓雅落髮嘆氣 誰想做瘌痢
每個人都渴望有一頭秀髮，而向來以一頭長髮示人嘅西貢前區議員王卓雅，早前難抵DQ壓力，搞到髮絲不斷脫落，最後被政府褫奪議席。仲話遣散員工同結束議辦，令佢背負財政壓力。之不過，已身在英國嘅佢尋日喺社交平台上載佢嘅新造型，仲話「問心講有頭髮邊個想做瘌痢」，唔通情況有所改變？
奧斯卡事件 有感而發
原來王卓雅尋日嘅貼文係有感而發，話自己部分頭髮長番，而當睇到奧斯卡發生嘅事件之後，佢就話光頭髮型並唔係人想選擇嘅，更話患上斑禿會影響情緒。佢亦好感嘆咁話開玩笑亦唔好太過火，因為無法想像患者自身或其家人嘅感受。
佢話自己去年11月曾公開自己患上了斑禿，又話當時開始脫髮時，屋企人都好擔心，但過程中識咗好多同樣患病嘅朋友。佢強調患上斑禿唔會致命，但情緒會（致命），身邊甚至有唔少患上斑禿嘅女生都曾經因為脫髮而患上抑鬱，甚至曾經自殺。
之不過，佢話自己有時候都會因為冇頭髮而感到失落，亦會掛念擁有長長頭髮嘅自己，但治療斑禿是個很漫長的經歷，並非數月就可以令頭髮長回來，而是以年計。而就算生番頭髮，亦有可能因為各種原因而令免疫系統再次攻擊毛髮導致脫髮。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
