政情：「潛水」10個月 游蕙禎變臉勸人留港

自前年實施《港區國安法》後，社運人士紛紛偃旗息鼓、銷聲匿迹。因宣誓風波而被褫奪（DQ）立法會議員資格嘅前青年新政成員游蕙禎，舊年5月6日透過社交平台上載慶生照片之後，其動向就趨於沉寂。然而前晚佢突然「上水」，喺社交平台公開近照，又預告將會有片出添。久未露面嘅佢雖然依舊一頭長髮，但容貌同過往明顯有別，唔少網民都話唔認得。至於佢最新嘅短片，就指港人所遇嘅創傷需時撫平，話大家要留喺度醫番好香港呢個地方喎。