政情：吐露港公路爆胎 張欣宇當奇遇睇得開

張欣宇喺Facebook貼文，話架車喺高速公路突然爆胎，不過都安全駛離行車線，車上包括佢在內嘅3個人都平安無恙，仲一齊合照留念添。企喺路肩嘅佢仍保持樂觀心境，話等待救援嘅期間，難得有機會喺車水馬龍嘅公路欣賞東鐵列車呼嘯而過，都算係一種奇遇。

有網民問佢，何不親手換胎？佢回應話有諗過，只係被勸阻。之但係，後尾又有網民話，拖車要幾百蚊喎，張就回應話，人冇事就得，換備用胎可以頂住先嘅。