政情：六合彩攪珠 邵家輝首度監場

邵家輝提到，十分榮幸獲邀擔任嘉賓，到現場見證整過攪珠過程，祝願有買六合彩嘅朋友好運、香港好運喎。佢仲話自己喺大概兩星期前收到馬會邀請，令自己可以有機會擔任嘉賓。

至於前晚嘅攪珠結果，就係頭獎同二獎都無人中，咁啱邵家輝買六合彩多年，都未曾中過獎喎。佢話多數都係路過投注站，就入去買張「電腦飛」，但10次有8次都懶得對結果，所以就算中過獎，都唔知啦！但即使冇中獎都唔緊要，當做善事咁話。