政情：棄選上屆立會揭謎底 譚凱邦照顧患巨瘤妻

譚太喺貼文中為當年譚凱邦棄選解畫，話自己右腎生咗個脂肪瘤、直徑26cm，重成7.5磅添，斷斷續續住咗兩個月醫院，差啲冇命，連個腎都可能要切埋，又話當年譚凱邦為咗有時間照顧佢先退選，仲要畀人話佢收咗錢。

當年佢喺瑪嘉烈醫院泌尿外科留醫，佢話眼見醫護人員好辛苦，要幫病人餵食飯、抹身換片，有啲病人冇晒自理能力，嗰個病人差唔多日日都會嘔到成身都係，姑娘都係二話不說，戴起手套就同嬸嬸們一齊清潔，真係好感激佢哋兩個月來嘅照顧。

譚凱邦喺2020年參與民主派「35+」初選，涉嫌違反《港區國安法》，被控「串謀顛覆國家政權罪」，現正還押候審。